Presentación dos últimos volumes editados da colección Clásicos do Pensamento Universal

O vindeiro luns día 7 de marzo ás 12:00 h terá lugar no Salón Reitoral o acto de presentación dos últimos volumes editados da colección Clásicos do Pensamento Universal, que a Universidade coedita co xeneroso mecenado da Fundación BBVA, a saber: Charles Sanders Peirce: Semiótica. Textos selectos, con prólogo da Profª. María Uxía Rivas Monroy e tradución do Prof. Manuel Outeiriño; Spinoza: Ã?tica, demostrada segundo a orde xeométrica, con prólogo do Prof. Luis Rodríguez Camarero e tradución dos Profs. José Carracedo Fraga e Manuel E. Vázquez Buján; John Maynard Keynes: As consecuencias económicas da paz, con prólogo do Prof. Jaime García-Lombardero y Viñas e tradución do Prof. Manuel J. Barreiro Gil, e Rachel Carson: Primavera silenciosa, con prólogo do Prof. Pablo Ramil Rego e tradución do Prof. Juan José Casares Long.  No acto, que decorrerá baixo a presidencia do Sr. Reitor,  intervirán os prologuistas e tradutores das obras presentadas, o director de Clásicos do Pensamento Universal, Prof. Darío Villanueva e a directora de Comuncación e Relacións Institucionais da Fundación BBVA, Dª Silvia Churruca Zarasqueta.