O reitor Juan Casares recibirá esta certificación de mans do director de AENOR Galicia, Marín Pita López, no transcurso dun acto este mércores 5 a partir das 12.00 horas no Salón de Graos do Colexio de San Xerome. Estarán presentes ademais a vicerreitora de Responsabilidade Social e Calidade, Benita Silva, e o director do Servizo de Publicación, Juan Blanco.
En opinión do director de Publicacións, Juan L. Blanco Valdés, "a acreditación foi complexa, pero sobradamente compensada pois implica establecer e sistematizar obxectivos de calidade, de revisión periódica, que evidencian os procesos que rexen o selo, incrementando a súa eficiencia, a satisfacción dos nosos autores e autoras e a consideración e prestixio da edición universitaria no seu conxunto".
